حملك وتجهيزآت حقيبة الولاده |🤰👶👜🍼.

  

الحمل اجمل مرحله بحياة المرأه ، الاحظ بعض النساء 

تكون فترة الحمل كلها تتضرع وتشكو ليه التشاؤم ؟ بعكس الاجنبيات سبحان الله تلاقيها تلبس وتكشخ وتصور نفسها وتعيش كل يوم بيومه وتقوم بتحضير اطباقها الصحيه هالفتره 🥒🥕🍎🥛'

كلنا عارفين هالشهور متعبه بس صدقيني اذ حاولتي 

ماتجلسين للتعب وتعطينه مجال يضغط عليك بتحسين 

طبيعي الوضع ، الحركه مره حلوه وكمان تطلعين من جو الوحم والكئابه ، انا حملي هاذا اتعب من حملي السابق لاكن تجاهلت ولله الحمد وانشغلت في هواياتي والطبخ لي وللبيبي وتجهيز الاغراض الخاصه فيه 🤰👶🍼'

اجعلوا اشهر الحمل من اجمل التجارب اللي تمرون فيها ولاننسى ندعي لأخواتنا اللي يتمنون الحمل ويحسوا بشعور الامومه  نحمد الله على النعمه والهديه اللتي اكرمنا بها 🙌♥️♥️.

وحتى لما تجيها وقت الولاده تلاقيها هي وزوجها تصور فيديو وانواع الحماس ومسترخيه  كل هاذا 

لان نفسيتها تنعكس ايجابيا ع الحمل والولاده '

احتسبي الاجر فكل تعب يعتريك ، سبحان الله يكفي 

ان الذنوب تتساقط مع كل الم 🍃🌸'

اول حاجه لازم تكون الحامل عارفتها انو الحمل يتكون من ثلاث مراحل ، الثلث الاول ، الثلث الثاني ، الثلث الثالث والاخير وكل مرحله تحتوي على شهور تتفرع الى  عدة اسابيع كرمال تعرفين تحسبين انتي بأي اسبوع ومن خلالها تتابعين حملك وغذائك وتطورات جنينك ، هاذا الجدول يوضح لك اكثر '

ابلكيشنز للحامل 📱🤰.

خلال هالفتره من الحمل نزلت كذا برنامج من الاب ستور جميله وافادتني شخصيا وكمان بعضها تفيدك لبعد الولاده منها : 

انت والحمل •

هاذا البرنامج كمان يستخدم لبعد الولاده كمان 

اول ماتحمليه تكتبين تاريخ اخر دوره يصير يحفظ 

التاريخ ويعطيك تطورات يوميه لك وللجنين ونصائح وغيره مره جميل انصحكم فيه '

طب بيبي •

هاذا البرنامج طريقته انك تسجلين اسم طفلك او طفلتك وتاريخ اخر دوره واسمك وغيرها معلومات وبعدين يعطيك نصائح للحامل وللولاده والرضاعه والبوم صور للبيبي ودليلك الطبي والفحوصات ومعلومات ومواضيع مره مفيد ومسلي وكمان نصائح للآباء والصحه والغذاء '

اوه بيبي •

يهتم بالتمارين الرياضيه للحامل كل شهر تمرين مختلف عن اللي قبله تساعد على تسهيل الولاده ومرونة الحوض '

شيك ليست بيبي •

برنامج كيوت احبه كثير يهتم بقائمة تجهيزك لمولودك وتذكيرك بالاشياء اللي نسيتيها ، اللي شريتيه دوني امامه صح فيه قسم للملابس والاثاث والعنايه وغيره 🌧'

بيبي سنتر •

اول ماتفتحينه تحدثينه بعدين تدخلين موعد الولاده المتوقع ويحسبون لك جنينك واشكال جنينك مقارنه باحجام الخضار والفواكه 🍅🌽🍆🍇🍈

ومجموعة مواضيع مفيده لكل فتره تمرين فيها ..

بامبرز •

يصير الجوال كأنو خشخاشه للطفل مجرد مايحركه او تحركينه يطلع صوت وكمان فيه العاب للطفل وموسيقى تنوم الطفل وهدايا وغيره '

بيبي ميلستون •

يضع لمسات على صورك وصور البيبي حبيبته مره سهل 👼⭐️✨'

بيبي ميوزك •

تطبيق استرخاء للطفل وهدوءه '

نوم الاطفال •

هاذا من جد جميل للطفل ، يوجد به صوت رحم الام 

وصوت قلبها اذا مو راضي ينام اتركيه يسمع هالاصوات يحس بالامان وشعور انه داخل بطن امه وغيرها من الاصوات انا حاليا اشغل صوت المطر احبه يعطيني دافع استرخاء 💧'

بيبي ستوديو •

لإضافة شعارات كتابيه على صور مولودك '

بريج ويل •

هاذا مثل الجدول اللي مع الدكتوره دايما شبيه 

بالبوصله لحساب الحمل '

موقع جميل احبه وكثير يستخدموه :

http://cutt.us/eqzoL

هاذا الموقع فيه تيكرز تكتبين التاريخ تبع اخر دوره 

ويحسبلك وكل اسبوع يعطيك معلومات بالصور 

عن الجنين وعن حالة الام وتقدرين تختارين الوان للشريط واشكال مو بس جنين ! يرقات او ورود واشياء دلع وهاذا مثال عليه :

كتب مفيده للأم 📚:

تلاقونها بجرير واحيانا تكون مخلصه للاسف ، اطلبيها اون لاين ، عندي كذا بوك شريته اون لاين للطفل انشاءالله يجي وقت واكتب لكم عنها ، كرمال اقرأها وقت النفاس ومااحس بالملل وبنفس الوقت استفيد  ' 

وبكذا انتهيت من جميع الاشهر وحان وقت تجهيز 

حقيبة الولاده فالمستشفى لي وللبيبي ، كثير تكلموا 

فالمواقع عن هالشي ، بتكلم عن الاشياء اللي لازم 

تكون معاك ، مجرد دخولك للشهر التاسع يتم

تجهيزها مو تحسين بالطلق وانتي ماسبق 

جهزتي فماتاخذين الا عباتك 😭🚗✨

عادةٓ الولاده الطبيعيه يوم وتطلعي بعكس القيصري '

بخصوص الحقيبه اخذتها من جونيور بيبي ، انا مااشوفالحقائب اللي تجي طقم مع مفرش وهيك عمليه نهائيا 😿👋' !!

اخذت منفرده وهالاشكال مره عمليه والداخل مره واسع وعميق ، انا اخذت حقائب ثانيه من ماركات اخرى للطلعات الرسميه والمناسبات ومابي اكرفها لانها ستايل كشخه فقط مو عمليه ' لقيت اشكال والوان بس بعدين اقولكم ليش اخترت هاللون بالذات 🙈👌 ؟

لها ثلاث علاقات للكتف طويله وللتعليق بالعربه بعدين ، ولليدين صغيره حبيت فتحات التخزين الجانبيه وكمان من الخلف تخزين كبير 👍✨ '

الخامه قماش موبلاستيك ، انتبهوا تاخذوا بلاستيك 

يتقطع ، القماش تقدري تغسليها بغسالة الملابس 🙄👕 '

للبيبي 👶👜:

_ ٢ قطع ملابس داخليه ( بربتوز  )

_ ٢ ملابس خارجيه ( افرولز )

_ مقص للاظافر 

_ مشط 

 _ ٢ غطاء للرأس

_ جوارب ( اذا كانت الملابس مقفوله من 

تحت مايحتاج تاخذين )

_ واقيات لليد ( كرمال مايخرمش وجهه تعرفون البيبي اول مايولد الاظافر عندو طويله ، هاذا السيت مو طقم كل قطعه لوحدها بس جمعت منها اللي ابي ، مهم قبل تشترين اي قطعه للطفل شوفي مكتوب عليها قطن ١٠٠٪  واخذيه ، انا كلها كانت هيك من ماركة جيجلز )

_ لفه للطفل 👼'

_ لحاف اذا الصيف خفيف بيكون والعكس ( وانتي خارجه من المستشفى )

_ بيرب كلوث (منشفه صغيره لتجشؤ الطفل على كتفك وغيره )

_ دايبرز ✨'

انا افضل الايام الاولى تكون بيبي جوي لانو تكون فيها ميزة انحناء السره صورته لكم من قريب كرمال تشوفونه وبعد كذا بامبرز لاني استخدمها لبنتي سابقا ولامره مريت بمشاكل معها جميله ' 

_ بودرة اطفال 🐇🌫'

_ اعواد اذن ✨.

_ لوشن  (بشرة الطفل بتكون جافه وحساسه 

والدكتوره بس بتحممه وتلفه وتدخله الحضانه يعني سوالف دلع واهتمام مع الطفل انسيها ، يعني فترة 

ماتطلبين طفلك وتعيشين معاه اجمل اللحظات اهتمي 

فيه ، انا اشتريت سيت كامل بس باخذ معاي اللي احتاجها فقط اللوشن والبودره والمناديل 🌸 ) .

_ وايبس (مناديل مبلله للطفل شوفوها خلف النبته 🌴🐻🌸 ) .

للأم 🤰👜:

_ اهم شيء كلتش صغير فيه بطاقتك واوراقك تبع المستشفى وفلوسك يمكن تطولين فالمستشفى وترسلين 

العاملات يشترون لك اكل او شيء ) 💰💳'

_ قميص قطني مريح '

_ اندروير تكون طويله ( المستشفى دائما بارد واللحف تبعهم زي وجيههم 🤒🤢🤧 ) .

البيجامات الطويله دائما وانا آخذ من دروش 🙈!!

كلكم بتقولوا دروش بس للرجال ؟ لا دروش كمان 

عندهم قسم كيدز اند وومن ومان بس استغرب

اعلاناتهم كلها رجاليه عموما حتى وقت الشتاء 

اشتريها منهم وربي جوده عاليه ومستحيل تتمدد

ومكان الركبه وذيك الحركات انسوها 😭😭👎!!

بس لما رحت سبلاش قلت اجرب منهم واشوف اية 

افضل ؟ شفت المنتج التجريبي ناعمه وخفيفه 

وتلزق ع الجسم تشبه الليقنز حبيتها حسيتها 

مريحه مره جربوها واحكموا ، انتبهوا للصور 

اللي ع الباكيج بعضها تكون كم قصير وبعضها 

طويل ماانتبهت ع الصوره مع كثرة الاغراض ورجعها زوجي قال كم قصير مو طويل فدققوا انتوا 🙁! 

وكمان مقاساتها توصل للاكس اكس لارج ' 

دروش فيها نقوش بالصدر وفالبنطلون من تحت 

خفيف ، سبلاش مافيها شيء 👖'

_ اندروير قصيره برا ( تكون قطن ومريحه )👙🌸'

برآ الصدر هادا النوع للنفاس وبدون اسلاك وخرابيط

اخذتها من سبلاش ، مريحه جدا فيها مقاسات بي 

و سي والبي كمان يتفرع الى ٣٤ و٣٦ وهكذا 👙'

_ بكيني للاستخدام اليومي ( انظف وماتكتم منطقة البكيني ) الاندروير اليومي يجي بالباكيج سبعة الوان تقريبا ميزتها مريحه ماكأنك لابسه شيء وفيها فتحات تهويه للمنطقه صورتها لكم من قريب تشوفوها ، كمان 

ماتسبب حساسيه ولا تزعج ، انا اخلص باكيج ايام الدوره ، ايام النفاس حطي فبالك كميه اكثر حتحتاجي !!

الشيء المهم فالموضوع دا كله ماترضين امك او 

اختك او الشغاله تغسل الاندروير تبعك وقت 

نفاسك صح ؟ اشوف مالها داعي احراج لك ولهم 

فأختصري ع نفسك واشتريها تلبسي وعلى الزباله 

اكرمكم الله يالغاليات ' 

_ قطن للصدر 🕸🌧'

اقطان الصدر انا واختي كلنا نحب هالنوع من افنت ' 

وكثيره تاخذ وقت معاك ' 

_ مضخة الصدر ( كرمال تريحين صدرك ومايكون مؤلم بكثرة الحليب ) 🥛🍼'

دا الشيء الغريب لي فتره ادوره بالصيدليات يقولوا مو متوفر فطلبته  اون لاين لانه ضروري جدا ، مافيه الا بمكان ماركة شيكو وللاسف مو في مدينتي ، تتوفر هالماركه في بيبي شوب بس مالقيت هالمنتج عندهم ! وظيفته مصحح حلمات ثدي الام وبنفس الوقت مدر للحليب ، كثير يوتيوبرز اجنبيات تكلموا 

عنه عملي كمان وقدام المشاهدين حبيت الفكره ' 

ولادتي اللي قبل استخدمت مضخة بايجون اللي 

معها زجاجة رضاعه وعدة قطع حسيتها شغله 🙄!

البعض دام فيها خياطه تحب تاخذ وسادة الرضاعه 

تساعدها ع الرضاعه الطبيعيه بس انا مارح آخذها

لاني مابرضع بستخدم شفاطة الحليب وانقلها لزجاجة الرضيع والسلام لاني مااقدر اجلس واشيل وكذا كل شي اذ رجعت المنزل انشاءالله وانا بصحه وسلامه '

_ غطاء للرأس ( اهم شيء ، قسم يابنات وحده لقيتها حزنت عليها نفاس توها ولدت بالغرفه اللي جنبي ولقيتها تتمشى على الارض بدون جوارب وبدون غطاء رأس وتسولف مع فلانه والثانيه !! والمشكله كبيره بعمرها معقوله ماتحس ؟! ) 👒'

_ جوارب + سليبر 👣'

الجوارب اخذت ثلاث باكيتات ملونه وكل شكل فيه ثلاث لانو بالاربعين رح تنكرف !!

_ اكياس معطره للدايبرز من مذركير ( لما تطلعي عند ناس او اي مكان عام او حتى بمنزلك مالو داعي للاكشن اللي يصير فهاذي الاكياس معطره وماتترك اثر يذكر للدايبرز وكمان اذا اتسخت اي ملابس للطفل او حاجه لي اضعه بداخل الكيس وبالحقيبه اذ خرجت من المستشفى كرمال ماتنعدم بالروائح ، اختراع جميل منهم 😷👻 )

شوية حكي : 

قبل اتكلم ملاحظين اغلب اشيائي ابيض 😱😭!!

عاد وحده تحت بالردود لاحظت 😂😂' 

اعواد الأذن اللي اخذتها من جونسون كانت عادي

شكلها بس اعواد مذركير خاصه للمواليد ' 

اسفنجة الشاور فيه ثلاث اشكال ، بيضاء تكون

ناعمه مره شكل مثلث مثل اسفنجة الميك اب مااعجبتني والشكل الثاني قاسيه جدا انا ماتحملتها كيف يتحملها الطفل ماادري !! شكلها مثل اسفنج البحر بالضبط والثالثه هاذي اللي اخذتها وسط مو قاسيه ولا ناعمه 🛁🚿.

اللي سألت تحت عن الدمى اخذتها من 'مذركير '

واللي سألت عن السرير تبع الطفل👶🍼!

اخذته من جيجلز بيبي 🛏 🌧'

_ كوتكس ( افضل نوع بعد تفكير عميق لايام النفاس ، ريلاكس فام كبيره وقطنيه ومريحه ) ' 

صورت لكم الكوتكس وقارنتها بالعاديه اللي نستخدمها وقت الدوره ، كوتكس ريلاكس اليسار لوتقربوا الصوره حتلاحظون ان اليمنى مثل السلك مخرمه وتزعجك بالخياطه بعكس الاخرى قطن ملمس ناعم ، غير كذا ريلاكس اكبر بالعرض والطول ' 

ايام الحمل جميعها استخدمت كوتكس يوميه من 

'كيرفري 'اجمل نوع جدا ناعمه ورائحتها تجنن 

وماكأنك لابسه 🙃 

كرمال افرازات الحامل وتنفع اكثر للي يكون عندها 

جامعه وعمل ودوام ترجع والاندروير نظيف 🛁👌'

مو بس للمتزوجه والحامل ؟ حتى البنت تستعملها 

فالسكول 🎒📚✏️'

_ منديل معطر ( خذي منديل واغرقيه من جميع العطور اللي عندك ولفيه بقطعة بلاستيك واخذيه مع اغراضك ، وشميه بعد الولاده على طول كرمال تعودين جرحك ع العطور وماتتحسين من عطورات اللي حولك ويلتهب جرحك ، تحيه لتيته ومامتي ع هالاشياء والخبره اللي علموني هيا 😩♥️) .

_ جوالك + الشاحن + المودم المتنقل 📱✨.

_ بندول او اي مهدئ تحبيه البعض تحس بصداع 

💊🙄'

_ البعض تاخذ معها المشد ( انا مااحب استخدمه الا ثالث يوم من ولادتي قبلها الم مااقدر 😭💔'

_ بحقيبه صغيره تضعين ادوات العنايه والتجميل

💄💋👸💅'

معجون + فرشاة اسنان + ديودرنت + فرشاة شعر + ليب +معقم + كحل داخلي + كريم يدين  ( تعرفون الشفايف بتكون حالتها حاله من التعب ، حلو انك تعبرين عن فرحك وتكونين مستانسه ومانحس ان الولاده مشهد عزاء عادي شوية كحل مايضر ليش الناس شايفين الولاده حزن وكأنها طالعه من هم اضحكي يابت وخلينا نشوف الزين وحتى لو دخل زوجك مايشوفك بوضع مخل 😂 ).

الاطفال مو كل عطر يناسبهم الا المسك ، استخدم 

لبنتي عطر جوفان مسك هاذا مسمينه الناس 

عطر الفلبينيات فالمستشفيات 😆😴'

نادر وجوده احيانا صدف تلاقيه بالصيدليه 

واحيانا بالسوبرماركت يعني مو متواجد دائما ! 

على فكره فيه نوع لون مويته اصفر والثاني ابيض 

المره الاخيره لقيته وفرحت اخذت اثنين والمره هاذي 

اخذت واحد لأن اللي عندي ع وشك يخلص ' 

مااحب استخدم للمواليد عطورات ، شريته لبعد 

الاربعين بس خلال فترة نفاسك يكفي اللوشنات 

والنظافه  وكمان عطورات جونسون خفيفه مو مركزه 

🛁🚿👌'

لمآ اكتب فوق كانت احتياجات الحقيبه كثيره لآكن 

وقت التصفيف اكتشفت شيء ثاني 🤔😅!!

مع الترتيب كل شي حلو ~

ومضه 💡:

عليك تحميل سورة مريم والزلزله والانشقاق في جوالك 

وتقرأيها وقت الطلق مع الاستغفار ' 

كمان دوني فالملاحظات ادعية تسهيل الولاده '

ولاتنسي  تخزين الرطب كما تعلمين فوائده 🌴'

ومن تدخلين التاسع افري دي اطلعي وانزلي الدرج 

مره واحده بس تساعد الحوض على التوسع وتمرينه '

ولاتنسي عبآءه احتياط خذي معاك ، انا بولادتي الاولىاخذت العباءه اللي حسيت اني كارهتها ورميتها عندهم وكمان هالمره مجهزه وحده ماصرت احتاجها كرمال اتخلص منها عندهم 😅🙊. 

واللي عندها اطفال ونفاسها بيكون عند امها كمان 

لازم تجهز حقيبه خاصه بملابسهم اللي يحتاجوها !

اصنعي رساله تودين فيها اخبار من تحبين بإنجابك 

ليشاركوك الفرحه واحفظيها بالملاحظات ليسهل ارسالها 📤💌👼🕊 '

أخيرا 🦌:

مااحلل اي انسانه تستخدم صوري وتصويري  او تنسخ كلامي وتعبي في اي موقع لغرض ما ، الا اذ استأذنت مني مع الحقوق ممكن 🤕♥️'

ودعواتكم لي بالولاده الميسره 👩🔬🤰💉🌧'