روتينيّ واستعدادي | صبآح يوم الجمعه 🛁🚿🕋💕.
السلام عليكم صبآيا 🍒.
اليوم بتكلم شوي عن روتيني يوم الجمعه
مع تغيير المنتجات كل مره 🛁.
شاور يوم الجمعه غير يكون مميز استعدادا
للصلاه ولاننسى انو عيد الاسبوع 🕋❤️.
ولازم يكون صباحه مميز كذالك .
اول مااصحى الجمعه آكل اي شي سريع مثل سناك او عصير وفاكهه .
طبعا مااصحي صغيرتي الا لما اخلص 👩👧👏.
وبعدها اجهز اغراض الشاور 🚿🛁.
صابونة حليب الماعز ❤️❤️❤️.
انا اي منتج فيه حليب احبه للبشره مدري انتو زيي ؟
انا طلبتها من موقع مدري موجوده بالسعوديه اولآ !
عموما هي قطعتين خلصت الاولى ريحتها مره تجنن تذوب مع المويه .
المنتج الثاني كمان بالحليب 😻❤️.
منظف للبشره من الحليب ويعمل على التطهير والتغذيه مع العناية لتجديد البشره الخفيفة والمسام العميق مع رائحة جميله مناسبه للبشره العادية والجافه .
فرشاة الخشب لتنظيف الاماكن اللي يصعب الوصول اليها مثل تنظيف الظهر وكذا .
للجسم :
الليمون لفرك جميع مناطق الجسم وبعدها استخدمي الصابونه ومنتج الحليب .
وظائف المنتجات اللي بالصوره :
جميعها اذا خلصتي شاور على طول قبل مرحلة التونر والثلج !!
١-إعادة التوازن وانعاش بشرتك مع الحبر خالية من الكحول. يطهر الشوائب اللي بالجلد .
مناسبه لتركيبة / البشرة الدهنية
يحتوي على المعادن والأعشاب البحرية غنية من الهدر في خليج المياه، أيرلندا
خالي من الكحول الطحالب .
٢- تونر فيتامين اي يعمل على تنظيف البشره وقفل المسامات الواسعه .
٣- في اجسامنا موجود خلايا جذعيه مع تقدم العمر تبدأ تصبح قليله وتأتي بالشيخوخه والكلف والجفاف وجميع مشاكل البشره فهاذا المنتج ' قطرة الشباب ' يبني خلايا جذعيه مستخرج من نبته فرنسيه اسمها Criste Marine
غير كذا تعطي نظاره واشراقه للوجه .
عباره عن سائل شفاف لزج تضعين على وجهك ثلاث قطرات وبعدها تعملين مساج مره صباحا ومره ليلا سعره تقريبا ١٠٠ وشوي .
٤- مصل خفيف جدا يمتصه الجلد بسرعه مما يجعلها ناعمة مخملية يقلل من عدد وكثافة البقع الداكنة يوزع بالقطن تحت العين يحميك من ظهور
الهالات السوداء .
٥-بخاخ يعطي منظر ديوي وصحي للبشره له عدة استخدامات قبل وبعد الميك اب كمثبت منعش اذا كنتي فالعمل حجمه مناسب مع الحقيبه بأي مكان آخذه معاي وابخ حتى لو كنت فالسياره ، استخدمه الصباح بعد مااغسل بالصابونه يعطي انتعاش احب يكون بالثلاجه يكون بارد 🤒💕.
سعره 59 ريالز .
٦- كريم مرطب فيتامين اي صنع خصيصا ليلائم
البشرة الجافة ويحافظ على الرطوبة في البشرة ويترك البشرة بملمس حريري ناعم ويساعد على استرجاع طبقات الرطوبة الطبيعية للبشرة.
٧- اي سبراي معطر عندك استخدميه انا استخدمت هاذا وبخلط معاه بخور وعطر ثاني مركز .. سعره 79 ريالز .
اخيرآ استخدم التونر وآخر خطوه الثلج لاغلاق مسام الوجه .
ملاحظه : انا الحمدلله وجهي مافيه تصبغات وكلف بس حلوه العنايه مو بعد ماتظهر اقعد اصيح 😭😭!!
تلاحظون بعض المنتجات دهنيه وبعضها جافه لانو بعد الشاور بشراتنا تصبح جافه فأخذت بعضها للبشره الجافه وحتى كمان ايام الشتاء تصبح جافه ، الاسعار اللي متذكرتها كتبتها والباقي نسيت !
اخيرآ وقت الملابس والعطورات والبخور 😩💕.
قبل البس استخدم هاذا لجميع الجسم
لو مهما اتكلم مااوفيه حقه احبه طبعا هالمنتج يقولوا معالج ماشفت هالشيء انا حبيته كرمال ريحته الفضيعه وترطيبه مره جميل دايم بحقيبتي بزبدة الشيا من بودي شوب 💕💕.
العطر من جومالون ☁️.
ولاننسى العود الازرق 🕋💕.
فيه موقع مرا جميل اسمه قرآنك يتم فيه بث صلوات مكه مبآشر 👌🕋.
اتمنى تكونوا استفدتوا 💕.
..
تعليقات
إرسال تعليق