صينية صدر الدجاج بالبطاطس | لذيذه وسهله 🥔🍗'

صينية اليوم للناس العجّازه ، سهله وماتاخذ وقت ، اسويها اذ كنت راجعه من دوآم او جايه من الخارج '

المقآدير : 

• بطاطس

• صدور دجاج 

• زيت 

• بصل

• فلفل بارد

• جزر

• ملح + فلفل اسود مطحون 

الطبقه البيضاء :

ملعقة مايونيز + ملعقتين جبنه سائله + قشطه ' 

الطريقه :

١- تقطعين البطاطس مكعبات وتقليها وتضعيهآ كطبقه اولى فالصينيه '

٢- تسلقين صدر الدجاج وتضعينه بخلاط الدجاج ، انا خلآطي مولينكس مره جميل .. المهم انا احب النتيجه تطلع مثل حلاوه شعر مااحبه مفتت مره !!

 اختار دايمآ سآديا افضل شيء احبه ومافيه اي نكهه مثل باقي الدجاج تحسيه نظيف ! عادي تستخدمي دجاجه كامله لآكن احس الصدور ارتب واطعم واحبها صراحه مااحب باقيٓ الاجزاء !! 

٣- نضع في الصاج زيت وبصل لحد مايذبل نضيف جزر مبشور بشر ناعم وفلفل بارد مقطع مكعبات ، وبعدها نضيف اليها الدجاج اللي خلطناه ونحركه وبعدها نضع الملح والفلفل الأسود ، كمية الدجاج لازم تكون اكثر من الخضار .. ونضعها على طبقة البطاطس '

٤- نخلط طبقة التغطيه فالخلاط ونضيفها فوق طبقة الدجاج ( انا مااحبها تغطّيها نهائي ، دايم الصواني عندي كأكل فالمنزل مااحب اغطيها لاكن لو اخذتها لناس اغطيها . 

احب الحشوه تكون واضحه تشهّي اكثر .. 🤤'

ندخلها الفرن تتماسك بس 

تُقدم مع الخبز الشّامي ،

بالهنآ والعافيه 🍽

الخلآط عليها عرض حالياً بسوق كوم سعرها زمان كان 800 ريالز تقريبآ ، كثيره مُلحقاتها ترى مره جميله ' 

إلى اللقاء ✨💛